KRONĪTS

UZVARAS KRŪNEITS

Tāvs myusu... Esi sveicynōta... Es tycu...

Uz lelōm rūžukrūņa zeilem (vīnu reizi):

Viņi tū uzvarēja ar to Jāra Asni un ar sovas līceibas vōrdu (Atkl. 12.11).

Uz mozōm zeilem (10 reizes):

Kristus Asnis, kas uzvar ļaunūs gorus, atpestej myus.

Nūbeigumā:

Myužeigais Tāvs, pījem nu myusim par upuri Jezus Kristus Dōrgū Asni, kas izpērks myusu grākus, izglōbs myrušūs un uzturēs Tovu Bazneicu mīlesteibā un vīneibā. Amen.

Myužeiga slava un gūds Jēzum, kurs atpērcis myusus ar sovu Asni (trejs reizes).

VYSUSVĀTŌKŌS JEZUS SIRDS KRŪNEITS

1. Muns Jezu, kurs esi sacejis: "Patīsi Es jums soku: lyudzit un sajemsit, meklejit un atrassit, klaudzynojit, un jums tiks atdareits!" Lyuk, es klauveju un mekleju Tovu žēlesteibu (mini sovu lyugumu).

Tāvs myusu... Esi sveicinōta... Gūds lai ir...

Vysmeilōkō Jezus Sirds, es pasaļaunu un ceru uz Tevi!

2. Muns Jezu, kurs esi sacejis: "Patīsi Es jums soku: kū vīn jyus lyugsit nu muna Tāva munā vōrdā, tū Jys jyusim dūs!" Lyuk, arī es Tovā vōrdā lyudzu nu Tova Tāva žēlasteibu (mini sovu lyugumu).

Tāvs myusu... Esi sveicinōta... Gūds lai ir...

Vysmeilōkō Jezus Sirds, es pasaļaunu un ceru uz Tevi!

3. Muns Jezu, kuš esi sacejis: "Patīsi Es jums soku: debess un zeme zuss, bet muni vōrdi nazuss!" Lyuk, ari es, pasaļaunūt uz Tovu Vōrdu namaldeigumu, lyudzu Tovu žēlesteibu (mini sovu lyugumu).

Tāvs myusu... Esi sveicinōta... Gūds lai ir...

Vismeilōkō Jezus Sirds, kura vīnkōrši naspēj naapsažālōt par nalaimeigajiem, apsažāloj par mums, naboga grēcinīkim, un apveļtej ar žēlesteibom, kuras nu Tevis lyudzam caur Tovas Vysusvātokōs un myusu mīleigōs Motes jaunovas Marijas Bezvaineigōs Sirds aizbiļdnīceibu.

Svātais Jezup, vismeilōkō Jezus audžutāv, lyudz Dīvu par mums!

Esi sveicynōta, Karalīne, žāļsirdeibas Mōte, kas mums Pesteitōju devi, esi sveicynōta!

Mes, Īvas bārni, svešumā saucam uz Tevi. Mes Tevi lyudzam, sārojūt un raužūt šamā asoru īlejā. Tōdēļ, myusu aizstōve, verīs uz mums sovā žāļsirdeibā un pēc šōs dzeives ved myus pi Jezus, pie Tova dīvišķo Dāla. Tu, žēleigō un laipnō, Vysusvātōkō Jaunova Marija. Amen.

KRŪNEITS PAR DVĒSELEM ŠKEISTEITOVĀ

Muns Jēzu, Tovu Getzemenē lītūs ašņa svīdru dēļ apsažāloj par mumu gimines lūcekļu dvēselem, kuras cīš škeisteitovā.

Tāvs myusu... Esi sveicinōta... Gūds lai ir...

Muns Jezu, tūs pazamōjumu un zaimu dēļ, kas Tev beja jōpacīš, kod Tevi tīsōja, kod Tu tyki šausteits, kod pret Tevi izaturējās kai pret naprōteigū, kod Tevi maineja pret nūzīdznīku, apsažāloj par myusu aizgōjēju dvēselem škeisteitovā, kuras gaida uz Tovu svātū vaļsteibu.

Tāvs myusu... Esi sveicinōta... Gūds lai ir...

Mums Jezu, tōēršku krūņa dēļ, kas īvaiņōja Tovu Svātū Golvu, apsažāloj par tōm dvēselem škeisteitovā, kas ir pamastas, par kurom nivīns nasalyudzās, kurom vysilgōk jōcīš.

Tāvs myusu... Esi sveicinōta... Gūds lai ir...

Muns Jezu, tō sōpeigō ceļa dēļ, kas Tev beja jōnūīt ar krystu placūs, apsažāloj par tōm dvēselem, kas ir vystyvōk atbeivōšonai nu škeisteitovas. Tūs cīsšonu dēļ, kuras Tu un Tova Mote kūpā pōrdzeivōjot, kod sasatykot ceļā uz Kalvāriju, atbreivoj nu cīsšonom škeisteitovā dvēseles, kuras veļteitas Tovai meilajai Mōtei.

Tāvs myusu... Esi sveicinōta... Gūds lai ir...

Muns Jezu, Tovas vysusvātōs pi krysta izstīptōs mīsas dēļ, Tovu vysusvātūs noglu caurdurtūs rūku un kōju dēļ, Tovas brīsmeigōs nōves dēļ, Tova ar škāpu caurdurtō sōna dēļ apsažāloj par šōm naboga dvēselem un ļauņ tōm laimeigom satikt Tevi debesīs.

Tāvs myusu... Esi sveicinōta... Gūds lai ir...